मराठी प्रार्थना – एक प्रतिज्ञा असे आमुची …..
एक प्रतिज्ञा असे अमुची
एक प्रतिज्ञा असे अमुची ज्ञानाची साधना
निरंतर ज्ञानाची साधना .....२
ज्ञान हेच संजीवन सार्या जगताच्या जीवना ।।धृ.।। निरंतर .....
ज्योत जागवू सुजाणतेची , सकलांच्या अंतरी
तीच निवारील परत तमाचे , प्रभाव सूर्यापरी
ज्ञानच देऊळ ज्ञानच दैवत, प्रगतीच्या पूजना ।।१।। निरंतर ....
नव्या युगाचा नव्या गुणाचा, ज्ञान धर्म आहे
त्यातच अमुचा उदय , उद्याचे आश्वासन आहे
मुक्त करील तो परंपरेचा , अंगी धरा गुण भला ।।२।। निरंतर ....
हाच मंत्र नेईल आम्हाला , दिव्य भविषयाकडे
न्यायनीतीचे पाऊल जेथे भेदाशी ना अडे
जे जे मंगल, पावन त्यांची, येथे आराधना ।।३।। निरंतर ....
